Amserlen trenau well yn dechrau yng Nghymru heddiw

Bydd yr wybodaeth ddiweddaraf am yr amserlen ym mis Rhagfyr ar rwydwaith Cymru a'r Gororau yn cynnig mwy o wasanaethau, yn cryfhau cysylltiadau ac yn helpu i roi hwb i'r economi.

Mae'r amserlen newydd yn cynnwys gwasanaeth ychwanegol newydd bob awr rhwng Caer a Wrecsam, trên ychwanegol ym mhob cyfeiriad bob dydd ar linell Calon Cymru rhwng Abertawe a'r Amwythig, tri thrên olaf hwyrach o Gaerdydd i Dreherbert, Aberdâr a Merthyr Tudful a gwasanaeth newydd bob awr ar ddydd Sul ar linell Coryton.

Dywedodd Ysgrifennydd y Cabinet dros Drafnidiaeth a Gogledd Cymru, Ken Skates: "Mae cysylltedd rheilffyrdd yn hollol hanfodol wrth yrru ffyniant.

"Bydd y newidiadau hyn yn gwneud gwahaniaeth gwirioneddol i gwsmeriaid, a fydd yn elwa o fwy o wasanaethau a mwy o gysylltedd. Mae hyn wedi'i wneud yn bosibl gan ein buddsoddiad o £800m mewn trenau newydd sbon ar gyfer rhwydwaith Cymru a'r Gororau.

"Ymhlith y newidiadau byddwn yn gweld dyblu trenau rhwng Wrecsam a Chaer a gwasanaeth hwyrach o'r brifddinas i gymunedau'r cymoedd. 

"Yn Ne Cymru, bydd pobl yn dal i allu elwa o brisiau tecach a symlach drwy wasanaeth Talu wrth Fynd (PAYG) TrC ar y teithiau hyn. Ac wrth gwrs gyda dechrau cyflwyno Talu wrth Fynd yng Ngogledd Cymru yn dod yn fuan, bydd mwy a mwy o bobl yn cael y cyfle i elwa o brisiau symlach." 

I weld y newidiadau o ddydd Sul 14 Rhagfyr ewch i - Amserlenni trenau Cymru a’r DU | Amseroedd trenau | TrC.