Gwaith hanfodol ar yr A465 am bum wythnos

Bydd y cau yn dechrau am 06:00 ddydd Llun 29 Gorffennaf a bydd yn dod i ben am 06:00 ddydd Llun 2 Medi 2024, ac mae'n digwydd yn ystod gwyliau haf yr ysgol pan fydd llai o draffig ar y rhan hwn o’r ffordd.

Bydd cau'r ffordd yn caniatáu i sawl elfen bwysig o waith yr A465 fynd rhagddo, gan helpu i arbed amser ar y rhaglen adeiladu a chael gwared ar yr ansicrwydd i amseroedd teithio y gall cau dros nos ac ar benwythnosau eu hachosi.

Mae adborth gan y cyhoedd yn dangos bod newid cyson, fel cau dros nos ac ar benwythnosau, yn tarfu mwy na chau sefydlog gyda gwyriad clir.

Bydd y gwyriad yn yr achos hwn tua phedair milltir yn hirach, ond dylai'r amser teithio fod o dan bum munud yn hirach yn unig.

Bydd yr A465 rhwng cyffordd Dowlais Top a chylchfan dros dro Ystâd Ddiwydiannol Pant yn dal ar agor, ond dim ond ar gyfer traffig lleol.

Mae trafodaethau wedi eu cynnal gyda phartneriaid gan gynnwys yr awdurdod lleol, Ysbyty'r Tywysog Charles a'r gwasanaethau brys cyn i'r penderfyniad gael ei wneud.

Mae'r gwaith cau a'r gwaith yn cael ei reoli gan Future Valleys Construction. 

Mae'r gwaith sy'n cael ei wneud yn ystod y cau fel a ganlyn:

• Tynnu'r hen bont ym Mryniau
• Adeiladu pont newydd ym Mryniau
• Adeiladu arglawdd priffyrdd newydd ar gyfer y ffordd gerbydau tua'r dwyrain yn Gurnos
• Datblygu gwaith i adeiladu'r rhan newydd o Gyffordd Ysbyty Tywysog Charles
• Integreiddio pob rhan o'r ffordd a'r droedffordd dros draphont Taf Fechan
• Cwblhau'r ffordd gerbydau trwy Gefn Coed a thros draphont Taf Fawr.

Mae Cwestiynau Cyffredin ar gael yma: www.a465.org/FAQs

Gallwch weld mapiau yn dangos y gwyriad yma: www.a465.org/SummerDiversion.