Miloedd o ffermydd Cymru yn derbyn blaendaliadau Cynllun y Taliad Sylfaenol.

Bydd mwy na 15,500 o hawlwyr yn derbyn y blaendal BPS sy'n werth tua 70 y cant o'r amcangyfrif o werth yr hawliadau. 

Bydd Taliadau Gwledig Cymru (RPW) yn parhau i wneud blaendaliadau, wrth i hawliadau unigol BPS gael eu dilysu ar gyfer y blaendaliad.  

Bydd gweddill taliadau BPS 2025 yn cael eu gwneud yn llawn o 12 Rhagfyr ymlaen, yn amodol ar ddilysu yr hawliad BPS yn llawn.  

Rwy'n disgwyl y bydd pob hawliad BPS heblaw am y rhai mwyaf cymhleth yn cael eu dilysu'n llawn, ac y bydd taliadau'n cael eu gwneud cyn diwedd y cyfnod talu ar 30 Mehefin 2026. 

Meddai Huw Irranca-Davies AS, Y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig: "Rwy'n falch fod miloedd o ffermydd ledled Cymru bellach wedi cael blaendaliadau BPS ar gyfer 2025.  

Rwy'n gobeithio y bydd hyn yn rhoi sicrwydd a sefydlogrwydd i fusnesau a theuluoedd ffermio ledled Cymru ar gyfer y flwyddyn i ddod. Bydd Taliadau Gwledig Cymru yn gweithio'n galed i sicrhau fod y taliadau llawn sy'n weddill yn cael eu gwneud cyn gynted â phosibl unwaith y bydd y cyfnod talu llawn yn agor ym mis Rhagfyr. 

"Hon fydd y flwyddyn olaf cyn dechrau'r Cynllun Ffermio Cynaliadwy (SFS) newydd ym mis Ionawr 2026.  Bydd yr SFS yn adeiladu ar fecanweithiau a systemau cyflawni profedig Taliadau Gwledig Cymru."