Neges Nadolig Prif Weinidog Eluned Morgan 2024

Nadolig Llawen pawb!

Dwi eisiau dymuno Nadolig llawen a heddychlon i chi gyd – ble bynnag a sut bynnag chi’n dathlu.

Dwi’n gobeithio bo chi’n gallu treulio’r amser yma gyda theulu a ffrindiau, a chael rhywfaint o amser i orffwys!

Dwi hefyd eisiau dweud diolch o galon i'r nifer fawr o bobl fydd yn gweithio dros yr ŵyl.

O'n gwasanaethau brys, i'r NHS a'r cynghorau lleol - diolch am bopeth chi'n ei wneud i'n cadw ni'n ddiogel yr adeg yma o'r flwyddyn.

Ac wrth gwrs i'r holl wirfoddolwyr sy'n rhoi o'u hamser i eraill – dyma wir ysbryd y Nadolig.

Gall y Nadolig fod yn amser unig i lawer. Felly, os chi am wneud un peth dros y Nadolig, gwnewch yn siŵr eich bod yn checio i mewn ar bobl eraill yn eich cymuned.

Gyda'n gilydd, gallwn ni gyd edrych ymlaen at y flwyddyn newydd gyda gobaith.

Nadolig Llawen a Blwyddyn Newydd Dda.

DIWEDD

Linc i'r fideo:

First Minister Eluned Morgan Christmas Message 2024 / Neges Nadolig Prif Weinidog Eluned Morgan 2024