Newyddion

Mae gyrwyr yn cael eu cynghori i gynllunio ymlaen llaw cyn teithio ar yr A470 rhwng Talerddig a Dolfach. Mae gwaith trwsio mawr ar fin dechrau a fydd yn golygu cau'r ffordd yn llwyr o 31 Hydref tan 20 Rhagfyr 2024.

Caiff modurwyr eu cynghori i gynllunio ymlaen llaw cyn iddynt deithio ar yr A40 rhwng Halfway a Llanymddyfri rhwng 12 Hydref a 6 Mai wrth i waith ffordd sylweddol gael ei wneud i sicrhau diogelwch a sefydlogrwydd hirdymor y ffordd.

Bron i flwyddyn ers cyflwyno'r terfyn cyflymder diofyn o 20mya yng Nghymru, mae Ken Skates, Ysgrifennydd y Cabinet dros Trafnidiaeth a Gogledd Cymru, wedi nodi'r camau nesaf.

Heddiw, cadarnhaodd Ysgrifennydd y Cabinet dros yr Economi, Trafnidiaeth a Gogledd Cymru, Ken Skates, gynlluniau a fydd yn galluogi hwb sylweddol i gapasiti rheilffyrdd ar Brif Linell Gogledd Cymru yn 2026.

Ar gannoedd o ochrau ffyrdd ar draws rhwydwaith ffyrdd strategol Cymru, mae gwaith yn mynd rhagddo i reoli a chynyddu bioamrywiaeth ymylon glaswellt yn well fel rhan o Lwybr Newydd i Natur Llywodraeth Cymru – y Cynllun Gweithredu Adfer Natur. 

Mae Gweinidogion yng Nghymru a San Steffan wedi cytuno i 'weithio mewn partneriaeth' i ddiwygio'r rheilffyrdd, gwella seilwaith, a darparu gwell gwasanaethau i deithwyr.

Mae Ysgrifennydd Cabinet Gogledd Cymru a Thrafnidiaeth, Ken Skates wedi croesawu cynlluniau gan Lywodraeth y DU i ddechrau'r broses o ddod â gwasanaethau rheilffyrdd i berchnogaeth gyhoeddus ym Mhrydain Fawr

Mae canllawiau newydd i gefnogi awdurdodau priffyrdd wrth wneud penderfyniadau ar derfynau cyflymder lleol wedi'u cyhoeddi heddiw.

Mae'r ffair swyddi a'r gynhadledd gyntaf ar gyfer cyn-filwyr, y rhai sy'n gadael y lluoedd arfog a'u teuluoedd yn y Gogledd wedi cael ei chynnal yn Wrecsam. Roedd yn meithrin cysylltiad uniongyrchol rhwng cymuned y Lluoedd Arfog a chyflogwyr lleol a chenedlaethol.

Cynhaliwyd y ffair swyddi ochr yn ochr â chynhadledd i gyflogwyr, a thynnwyd sylw at y llu o fanteision y gall cyn-filwyr eu cynnig i'r gweithle.

Roedd Ken Skates, Ysgrifennydd y Cabinet dros Ogledd Cymru a Thrafnidiaeth, sydd â chyfrifoldeb dros y lluoedd arfog, yn y digwyddiad.

Dywedodd: "Mae'n bleser arbennig i mi fod yn y digwyddiad hwn yn y Gogledd, ac i gwrdd â rhai o'r cyn-filwyr a'r cyflogwyr sydd wedi dod yma.  

"Mae 25 o gyflogwyr yn y  digwyddiad hwn  ac mae ganddynt swyddi ar hyn o bryd. Mae'n dda gweld sut y gallant feithrin cysylltiadau â chyn-filwyr.  Mae'r gynhadledd, sy'n cael ei chynnal ochr yn ochr â'r ffair, hefyd yn rhoi cyfle i gyflogwyr glywed am y manteision y gall cyflogi cyn-filwyr a'r rhai sy'n gadael y lluoedd arfog eu cynnig i fusnesau.

"Mae'r cyflogwyr sydd wedi dod i'r digwyddiad yn cynnwys, er enghraifft, Trafnidiaeth Cymru, deiliaid Gwobrau Aur yn y Cynllun Cydnabod Cyflogwyr, a chwmni sy'n hynod gefnogol i'r syniad o ddatblygu amgylchedd gwirioneddol gynhwysol i gymuned y Lluoedd Arfog.

"Mae gan ein cyn-filwyr sgiliau a phrofiad unigryw a all fod o fudd gwirioneddol i gyflogwyr.  Rwy'n falch bod 172 o gyflogwyr yn y Gogledd, hyd yma, wedi addo cefnogi hyn, trwy lofnodi cyfamod y Lluoedd Arfog."

Dywedodd Julianne Williams o elusen Cyflogaeth y Lluoedd Arfog: "Yn bersonol, Ffair Gyflogaeth Cymru yw uchafbwynt y flwyddyn i mi, gan fy mod yn cael ymwneud â chronfa o dalent o Gymru, boed hynny yn y cwmnïau yng Nghymru, neu ymhlith y rhai sy'n dal i wasanaethu yn y lluoedd arfog neu'n gyn-filwyr. Rwy'n gyn-filwr gyda'r Awyrlu Brenhinol a bûm yn gwasanaethu am 25 mlynedd a dewisais ddod yn ôl adref a dod o hyd i waith yng Nghymru.   Hoffwn pe bai rhywbeth fel hyn wedi bod ar gael i mi pan adewais i'r lluoedd arfog."

Cynghorir modurwyr y bydd rhan yr A465 rhwng cyffordd yr A470 (Cefn Coed) a'r gylchfan dros dro yn Ystâd Ddiwydiannol Pant ar gau yn llawn am bum wythnos yr haf hwn, er mwyn caniatáu i waith pwysig gael ei gwblhau yn gynt a gyda llai o ansicrwydd i'r cyhoedd sy'n teithio.

Mae data  newydd a gyhoeddwyd heddiw am wrthdrawiadau ffyrdd yn dangos bod anafiadau wedi lleihau ar ffyrdd ers cyflwyno'r terfynau cyflymder newydd o 20mya ym mis Medi'r llynedd.