Cynllun ar gyfer Cymunedau, Seilwaith ac Adnoddau Naturiol: Llywodraeth Cymru yn lansio sgwrs genedlaethol ar ddyfodol Cymru

Mae'r ymgynghoriad, sy'n rhedeg rhwng 19 Awst a 20 Tachwedd 2026, yn gwahodd pobl a sefydliadau ledled Cymru i ddweud eu dweud ar y Datganiad o Gyfranogiad y Cyhoedd, y Cynllun Ymgysylltu Cenedlaethol â Sgwrs, a Galwad am Dystiolaeth sy'n cyd-fynd â hi.

Dywedodd Sian Gwenllian, y Gweinidog Cabinet dros Lywodraeth Leol, Tai a Chynllunio

"Mae hyn yn nodi dechrau sgwrs genedlaethol am ddyfodol hirdymor Cymru, gan fynd y tu hwnt i bolisi cynllunio i archwilio'r rôl y dylai lleoedd, cymunedau, seilwaith, yr amgylchedd a diwylliant ei chwarae wrth lunio dyfodol ein cenedl hyd at 2050.

"Mae'n rhan o ymrwymiad y Llywodraeth hon i weithio gydag awdurdodau lleol a phartneriaid rhanbarthol eraill i ddatblygu Fframwaith newydd sy’n diwallu anghenion Cymru, yn grymuso llywodraeth leol ac yn lleihau costau, biwrocratiaeth a dyblygu. Rwy'n annog pawb sydd â diddordeb yn nyfodol eu cymuned, tref, dinas, rhanbarth a chenedl i gymryd rhan.

"Ein nod yw symud tuag at ddull cynllunio sy'n canolbwyntio ar y gymuned sy'n rhoi llais go iawn i gymunedau ar sut rydym yn diogelu'r cartrefi, y gweithleoedd a'r seilwaith sydd eu hangen arnom, a bydd y Fframwaith Datblygu Cenedlaethol yn chwarae rôl gyffredinol allweddol yn y ffordd y mae'r penderfyniadau hynny'n cael eu gwneud yn lleol ac yn rhanbarthol ac yn genedlaethol."

Fel rhan o'r rhaglen ymgysylltu, cynhelir cyfres o ddigwyddiadau personol ac o bell ledled Cymru yn ystod mis Medi a mis Hydref. 

Bydd y sgwrs genedlaethol yn archwilio themâu allweddol gan gynnwys:

• Cymru yn 2050 – beth ddylai'r genedl fod yn adnabyddus amdano a beth ddylai cenedlaethau'r dyfodol etifeddu
• Cartrefi a chymunedau – tai a seilwaith cymunedol sydd eu hangen ar Gymru
• Economi a ffyniant – lle dylid canolbwyntio ar swyddi a buddsoddiad
• Hinsawdda natur  -cydnabod un argyfwng cysylltiedig a gweithredu mewn a ffordd gydgysylltiedig
• Symud a chysylltedd – dyfodol trafnidiaeth a chysylltedd digidol
• Diwylliant, iaith a chenedl – sut y dylai'r iaith Gymraeg a hunaniaeth ddiwylliannol lunio datblygiad
• Iechyd a lles – sut y gall cynllunio gefnogi bywydau iachach a lleihau anghydraddoldebau

Mae'r ymgynghoriad yn cael ei lansio wrth i Lywodraeth Cymru gyhoeddi bod gwaith wedi dechrau ar y Cynllun Gweithredu Hinsawdd a Natur cyntaf, a fydd yn dod â hinsawdd a natur i mewn i wneud penderfyniadau ar draws y llywodraeth, gan helpu i gyflawni blaenoriaethau ehangach ar gyfer cymunedau iachach, lleoedd gwydn, aer a dŵr glanach, swyddi gwyrdd, cartrefi cynhesach, bwyd a ffermio cynaliadwy, a lleoedd gwell i fyw. 

Mae'r dogfennau ymgynghori a manylion sut i ymateb ar gael ar https://www.llyw.cymru/fframwaith-datblygu-cenedlaethol.