Cyd-hysbysiad gan Lywodraeth Cymru a Llywodraeth Iwerddon Porthladd Caergybi

Nid dyma'r newyddion yr oedd unrhyw un ohonom eisiau ei glywed. Fodd bynnag, mae’n rhoi eglurder fel gall cynlluniau wrth gefn eu rhoi ar waith.

Roeddem eisoes yn gweithio mewn partneriaeth ar gynlluniau wrth gefn pe baem yn y sefyllfa hon ac rydym yn bwrw ymlaen â'r rheini yn gyflym yn awr.

Lle mae capasiti sbâr mewn porthladdoedd fferi eraill, bydd y rhain yn cael eu defnyddio fel y mae Stena wedi ei amlinellu. Mae'r cwmnïau fferi wedi symud eu llongau i borthladdoedd eraill a byddant yn helpu teithwyr sydd wedi archebu lle ar deithiau i Gaergybi neu oddi yno.

Mae'r cwmnïau fferi am gysylltu a'u teithwyr a byddem yn annog teithwyr a oedd yn bwriadu defnyddio Caergybi i wirio gwefan y cwmni fferi perthnasol am fanylion y dewisiadau amgen

Rydym yn gwybod y bydd hyn yn achosi pryder i bobl sy'n bwriadu teithio i Iwerddon ac oddi yno i weld eu hanwyliaid y Nadolig hwn. Mae hefyd yn gyfnod pryderus iawn i fusnesau yng ngogledd Cymru ac Iwerddon, ac i gymuned Caergybi.

Byddwn yn parhau i gadw mewn cysylltiad rheolaidd a gweithio gyda'r porthladd, Stena ac Irish Ferries, a gyda Chyngor Sir Ynys Môn.

Mae Stena wedi ein sicrhau o'u hymrwymiad i borthladd Caergybi gan ddatgan y gellir atgyweirio'r difrod ac y bydd hynny'n digwydd.

Byddwn yn parhau i weithio gyda'n gilydd yn y tymor byr i sicrhau bod teithwyr a llwythi yn cael eu cludo, ac yn y tymor hwy i gadw gwytnwch a llwyddiant Porthladd Caergybi, sydd mor bwysig i'n dwy wlad.

Y newyddion diweddaraf 24 awr am Fferïau sy’n Hwylio i Iwerddon a'r Iseldiroedd | Stena Line