Newyddion

Mae mwy na 40,000 o dyllau ar bron i 80 milltir o ffordd wedi cael eu trwsio neu eu hatal yng ngogledd Cymru ers mis Ebrill y llynedd – ar y Rhwydwaith Ffyrdd Strategol a ffyrdd lleol. 

Mae mwy na 200,000 o dyllau ar fwy na 400 milltir o wyneb ffyrdd wedi cael eu trwsio neu eu hatal ledled Cymru ers mis Ebrill y llynedd. 

Mae'r bont grog eiconig, Pont Menai, yn nodi ei phen-blwydd yn 200 mlwydd oed wythnos yma.

Cynghorir modurwyr i gynllunio ymlaen llaw cyn iddynt deithio ar yr A55 rhwng cyffordd 34 (Ewlo) a chyffordd 35 (Dobshill tua'r dwyrain) gan fod cynnal a chadw  hanfodol ar y ffyrdd yn am bedair wythnos o 22 Chwefror ymlaen.

Mae dwy orsaf yng Ngogledd Cymru, Shotton a Rhiwabon, wedi symud ymlaen i gam nesaf y rhaglen Mynediad i Bawb, cynllun Llywodraeth y DU a gefnogir gan Lywodraeth Cymru i wella hygyrchedd mewn gorsafoedd rheilffordd.

Mae pobl ifanc ledled Cymru wedi cymryd rhagor na 2 miliwn o deithiau bws ers cyflwyno'r cynllun tocyn bws am £1 ym mis Medi y llynedd.

Mae'r argymhellion wedi eu cytuno gan yr holl bartneriaid ac mae'r camau nesaf yn cynnwys cyfarfod dwyochrog blynyddol rhwng swyddogion trafnidiaeth Iwerddon a Chymru.

Mae'r argymhellion hefyd yn amlinellu sut i gael gwell gwytnwch, gwell cynlluniau wrth gefn a fydd yn diogelu cysylltedd i deithwyr a gwella sut i reoli aflonyddwch.

Cyfarfu y Tasglu ym mis Mawrth y llynedd mewn ymateb i effaith cau Porthladd Caergybi dros dro ym mis Rhagfyr 2024. Gweithiodd aelodau o lywodraethau Iwerddon a Chymru, swyddogion trafnidiaeth a rhanddeiliaid ar y cyd ar adolygiad systematig a thrwyadl o'r hyn a ddysgwyd. Canolbwyntiodd y Tasglu ar ddefnyddio'r profiad hwn i ddiogelu cysylltedd ymhellach ac adeiladu gwytnwch ar draws porthladdoedd a seilwaith porthladdoedd, nawr ac yn y blynyddoedd i ddod. 

Meddai Seán Canney, y Gweinidog Gwladol sy'n gyfrifol am Drafnidiaeth Ryngwladol a Ffyrdd, Logisteg, Rheilffyrdd a Phorthladdoedd:

"Diolch i Ysgrifennydd y Cabinet Ken Skates am arwain y Tasglu dros y naw mis diwethaf, ynghyd â'r holl swyddogion a rhanddeiliaid sydd wedi gweithio arno. Rydym wedi cryfhau hen berthnasoedd a sefydlu rhai newydd, a fydd yn parhau trwy gyfarfodydd blynyddol a chyfathrebu rheolaidd.

Er fod yr amgylchiadau ymhell o fod yn ddelfrydol, rwy'n falch iawn bod ein dwy adran wedi dod yn agosach at ei gilydd ac edrychaf ymlaen at ddyfnhau'r berthynas hon dros y blynyddoedd i ddod."

Dywedodd Ysgrifennydd y Cabinet dros Drafnidiaeth a Gogledd Cymru, Ken Skates: "Mae trafodaethau o fewn Tasglu Môr Iwerddon wedi atgyfnerthu pwysigrwydd Caergybi a'n porthladdoedd eraill sy'n wynebu Môr Iwerddon i gymunedau yng Nghymru ac Iwerddon a thu hwnt, a'n diddordeb a'n cyfrifoldeb cyffredin, nawr ac yn y dyfodol, i sicrhau eu bod yn ffynnu ac yn tyfu.  Byddwn yn parhau i gydweithio'n agos gan adeiladu ar ein perthynas gryfach."

Datganiad Ysgrifenedig: Datganiad gan Lywodraeth Cymru am gyhoeddi argymhellion Tasglu Môr Iwerddon (14 Ionawr 2026) | LLYW.CYMRU

Mae cynlluniau ledled Cymru sy'n annog plant a phobl ifanc i fabwysiadu arferion cerdded iach yn mynd o nerth i nerth.

Mae Ysgrifennydd y Cabinet dros Drafnidiaeth wedi llongyfarch Vernon Everitt, Cadeirydd Trafnidiaeth Cymru, ar gael ei benodi'n CBE yn Rhestr Anrhydeddau'r Flwyddyn Newydd, i gydnabod ei gyfraniad eithriadol i drafnidiaeth gyhoeddus.

Bydd twnnel Conwy tua'r gorllewin ar gau o'r 10fed tan y 19eg Ionawr ar gyfer gwaith diogelwch ffyrdd hanfodol. 

Mae amserlen trenau well ledled Cymru yn dechrau heddiw.

Yn ystod chwe mis cyntaf Rhwydwaith Gogledd Cymru mae gwasanaethau trên a bysiau newydd wedi cael eu cyflwyno, ynghyd â gwelliannau i seilwaith gorsafoedd a rhagor o ddatblygiadau cyffrous yn yr arfaeth.