Newyddion

Mae £30 miliwn wedi’i gyhoeddi i awdurdodau lleol wella trafnidiaeth leol ledled Gogledd Cymru. 

Mae £110 miliwn wedi’i gyhoeddi  i awdurdodau lleol wella trafnidiaeth leol ledled Cymru. 

Mae £47 miliwn wedi’i gyhoeddi i awdurdodau lleol wella trafnidiaeth leol ledled de-ddwyrain Cymru. 

 Gwasanaethau llwyddiannus yn cludo'r nifer uchaf erioed o deithwyr yr haf diwethaf

Mae Ysgrifennydd y Cabinet dros Drafnidiaeth a Gogledd Cymru, Ken Skates, wedi cadarnhau y bydd yr A470 rhwng Talerddig a Dolfach yn ailagor yn ôl y cynllun ar 11 Ebrill ar ôl i waith gael ei wneud ar y ffordd gyda rheoli traffig yn ei le.

Roedd Ysgrifennydd y Cabinet dros Drafnidiaeth a Gogledd Cymru, Ken Skates, yn awyddus i glywed beth oedd gan deithwyr i'w ddweud am y gwelliannau sydd wedi'u gwneud ar un o'r llwybrau rheilffordd allweddol sy'n cysylltu Cymru a Lloegr, wrth iddo ymweld â'r orsaf yn gynharach yr wythnos hon. 

Mae 100% o'r teithiau ar y llinell allweddol o Wrecsam i Bidston bellach ar drenau newydd gyda gostyngiad o 1.8% yn nifer y trenau sy'n cael eu canslo. Mae gwasanaethau trȇn hefyd wedi gwella ledled Gogledd Cymru gyda thros 87% o'r teithiau bellach ar fflyd newydd.

Ers i'r amserlen newid fis Rhagfyr diwethaf, mae rhai gwelliannau sylweddol wedi'u gwneud i linell Wrecsam i Bidston yn sgil cyflwyno gwasanaethau mwy rheolaidd a dibynadwy a threnau newydd a gwell i helpu i wella profiadau cwsmeriaid.

Mae wyth trên ychwanegol y dydd wedi'u hychwanegu at y llwybr sy'n helpu i gynyddu gwydnwch a lleihau nifer y gwasanaethau sydd wedi'u canslo a'u gohirio. Defnyddiodd 21,000 yn fwy o bobl y llinell ym mis Mawrth o'i gymharu â mis Mawrth 2023. Y mis diwethaf hefyd gwelwyd y nifer uchaf o ddefnyddwyr ar y llinell mewn un mis (31,482) ers cyn COVID.

Mae'r holl welliannau hyn yn cynnig opsiwn teithio trawsffiniol mwy dibynadwy a chynaliadwy i gwsmeriaid.

Dywedodd Ken Skates:

"Mae'n wych gweld ein buddsoddiad o £800m mewn trenau newydd sbon yn dwyn ffrwyth a chlywed gan deithwyr sut mae'r newidiadau rydyn ni wedi'u gwneud i'r llinell bwysig hon yn gwneud gwahaniaeth gwirioneddol i'w teithiau.

"Ar ôl gwrando ar adborth gan gwsmeriaid, fe wnaethom weithio'n agos gyda grwpiau defnyddwyr trenau, a Trafnidiaeth Cymru i ddeall beth roedd teithwyr ei eisiau fel y gallwn gyflawni newid y mae gwir ei angen.

"Mae llinell Wrecsam Bidston yn gyswllt trawsffiniol allweddol, ac mae'n dda gweld y newidiadau cadarnhaol hyn."

Gall cynghorau gael hyd at £120 miliwn i drwsio rhagor o ffyrdd lleol dros y ddwy flynedd nesaf, i ddatrys ffyrdd problemus yn eu hardal.

Mae cynigion i drawsnewid y ffordd y mae gwasanaethau bysiau lleol yn cael eu cynllunio a'u darparu ledled Cymru wedi'u cyhoeddi heddiw (dydd Llun, 31 Mawrth). Byddant o fudd i deithwyr, cymunedau, ac yn annog mwy o deithio ar fysiau.

Mae disgwyl i Fil newydd gael ei osod yn y Senedd heddiw (Dydd Llun, 31 Mawrth) a fydd, os caiff ei basio, yn newid y ffordd y caiff gwasanaethau bysiau lleol eu cynllunio a’u darparu ledled Cymru.

Cynhaliwyd cyfarfod cyntaf Tasglu Gwydnwch Môr Iwerddon yn Ynys Môn heddiw, gan ddod â chynrychiolwyr o bob cwr o Gymru, Iwerddon a thu hwnt ynghyd i gryfhau cysylltiadau hanfodol ar y môr rhwng y gwledydd.

Bydd tasglu newydd sy'n canolbwyntio ar wella gwytnwch cysylltiadau trafnidiaeth Môr Iwerddon yn cynnal ei gyfarfod cyntaf y dydd Iau hwn.

Mae Llywodraethau Cymru ac Iwerddon yn cydweithio ar ddiogelu ac adeiladu ar y cysylltiadau rhwng y ddwy wlad ar draws Môr Iwerddon, meddai'r ddwy lywodraeth heddiw.