Newyddion

Bydd Cymru'n cymryd rhan yn yr ymarfer ymateb pandemig mwyaf erioed ledled y DU yn ystod yr hydref hwn.

Bydd cyfle i'r cyhoedd weld a thrafod yr opsiynau ar gyfer adnewyddu croesfan Pont Afon Dyfrdwy ar yr A494 mewn digwyddiad a gynhelir ddydd Mawrth, 21 Ionawr yn Eglwys St Andrew's, Garden City,

Gyda disgwyl i borthladd Caergybi ailagor yn rhannol heddiw (16 Ionawr) mae Ysgrifennydd y Cabinet dros Drafnidiaeth a Gogledd Cymru, Ken Skates, wedi pwysleisio y bydd Llywodraeth Cymru yn parhau i weithio gyda'r holl bartneriaid.

Mae Stena wedi cyhoeddi bod atgyweiriadau wedi'u gwneud i'r porthladd a gafodd ei ddifrodi'n wael gan Storm Darragh ym mis Rhagfyr y llynedd sy'n golygu y gall llongau fferi nawr hwylio yn llawn gyda'r fferi cyntaf i hwylio am 01:30 ar 16 Ionawr o angorfa 5.

Bu Llywodraeth Cymru yn gweithio'n agos gyda Llywodraeth Iwerddon ers cau'r porthladd dros dro.   Mae hyn wedi cynnwys cyfarfod y Prif Weinidog gyda'r Taoiseach yr wythnos diwethaf lle buont yn trafod effaith barhaus cau'r porthladd ar symudiad pobl a chludo nwyddau.

Er mwyn helpu i sicrhau gwydnwch hirdymor y porthladd, cyhoeddodd Ysgrifennydd y Cabinet yr wythnos diwethaf y bydd tasglu yn cael ei sefydlu a fydd yn gweithio gyda Gweinidogion Trafnidiaeth Iwerddon, Llywodraeth y DU, Stena a sefydliadau allweddol eraill ym mhorthladdoedd Cymru ac Iwerddon a'r diwydiant fferi i sicrhau bod y porthladd yn diwallu anghenion y ddwy wlad yn y dyfodol

Dywedodd Ysgrifennydd y Cabinet dros Drafnidiaeth a Gogledd Cymru, Ken Skates:

"Hoffwn ddiolch i deithwyr a'r diwydiant cludo nwyddau am eu hamynedd a'u cydweithrediad wrth addasu i'r newidiadau i'r llwybrau a oedd yn angenrheidiol yn dilyn y difrod a achoswyd gan Storm Darragh sy'n effeithio ar angorfeydd fferi terfynfa 3 a therfynfa 5.

"Hoffwn hefyd ddiolch i weithredwyr y porthladdoedd, y cwmnïau fferi a'r staff ymroddedig yn Abergwaun, Aberdaugleddau ac mewn mannau eraill am bopeth a wnaethant i sicrhau fod pobl a nwyddau yn gallu teithio, yn enwedig dros gyfnod prysur yr ŵyl.  

"Roedd y cydweithrediad agos rhwng Llywodraeth Cymru a Llywodraeth Iwerddon wedi bod o gymorth mawr i gydlynu'r ymdrech hon, gyda'r Prif Weinidog yn cyfarfod â'r Taoiseach mor ddiweddar â dydd Gwener diwethaf. Roedd cydweithio a rhannu gwybodaeth mewn amser real yn llywio darpariaeth gwasanaethau amgen ac yn helpu i leihau effeithiau traffig cysylltiedig.  Rwyf hefyd yn ddiolchgar i Adrannau a Gweinidogion perthnasol Llywodraeth y DU, awdurdodau lleol a chyrff masnach am y rhan y maent wedi'i chwarae yn y dasg hon." 

"Hoffwn ddiolch i Stena am ei gwaeth i ailagor angorfa 5 heddiw, er gwaethaf heriau tywydd tymhorol.”

Cymru yw’r wlad gyntaf yn y DU i sefydlu grŵp sy’n dod â’r llywodraeth, cyflogwyr ac undebau llafur ynghyd i wella ffyrdd o weithio ar gyfer staff yn y sector gofal cymdeithasol.

Sarah Murphy AS, y Gweinidog Iechyd Meddwl a Llesiant

Mae cwmni logisteg arobryn wedi datblygu offeryn rheoli allyriadau arloesol sydd wedi arbed digon o allyriadau carbon i HGV deithio o gwmpas y byd 120 o weithiau, diolch i gefnogaeth Llywodraeth Cymru.

Mae Prif Swyddog Milfeddygol Cymru, Richard Irvine, yn annog perchnogion da byw yng Nghymru i barhau i fod yn wyliadwrus yn dilyn achos diweddar o glwy'r traed a'r genau yn yr Almaen.

Ymwelodd y Dirprwy Brif Weinidog Huw Irranca-Davies a'r Gweinidog Addysg Bellach ac Uwch, Vikki Howells, â Phrifysgol Caerdydd i weld sut mae buddsoddiad o £12.2m yn cyflymu eu camau tuag at leihau carbon.

Yn sgil amcangyfrif bod £2 biliwn o fudd-daliadau heb eu hawlio yng Nghymru, mae ymdrech newydd ar waith i sicrhau bod pobl yn cael y cymorth ariannol y mae ganddynt hawl iddo ac i gynyddu incwm eu haelwydydd.

Mae Prif Weinidog Cymru, Eluned Morgan, wedi croesawu'r cyhoeddiad heddiw gan Lywodraeth y DU y gwneir buddsoddiad gwerth biliynau o bunnoedd mewn Deallusrwydd Artiffisial (AI).

Bydd dros £1.2 miliwn o arian grant yn helpu i fynd i'r afael â sbwriel ledled Cymru ac i lanhau'n strydoedd.

Mae dros £1 miliwn o gyllid Llywodraeth Cymru ar gael i roi hwb i'r diwydiant morol, pysgodfeydd a dyframaeth yng Nghymru.