Newyddion

Mae ysgolion yn gweithio i leihau effaith tlodi a thorri'r cysylltiad rhwng cyrhaeddiad addysgol a chefndir ariannol.

Bydd dysgwyr o Ysgol Gyfun Gymraeg Bro Edern yn cymryd rhan yn rowndiau terfynol F1 mewn Ysgolion y byd ar ôl i'r faner sgwariog gael ei chwifio a'u gwneud yn bencampwyr Cymru yng nghystadleuaeth y DU.

"Mae ein hanes wedi siapio'r Gymru sydd ohoni heddiw, mae'n hanfodol bod pobl ifanc yn dysgu am ein treftadaeth gyfoethog ac amrywiol yn yr ysgol". Cyhoeddodd y Gweinidog Addysg Bellach ac Uwch, Vikki Howells heddiw (22 Hydref) fod gwaith ar greu Llinell Amser Hanes Cymru newydd wedi dechrau. Bydd yn cynnwys adnoddau a gwybodaeth i athrawon ac ymarferwyr.

Mae Ysgrifennydd y Cabinet dros Addysg wedi amlinellu'r blaenoriaethau allweddol ar gyfer gwella ysgolion yng Nghymru, yn ogystal â mwy o gyllid ar gyfer mentrau i wella cyrhaeddiad mewn llythrennedd, mathemateg a gwyddoniaeth.

Ysgol Uwchradd Pen y Dre ym Merthyr Tudful fydd yr ysgol gyntaf yng Nghymru i gael ei hailwampio i'w gwneud yn garbon sero net.

Geiriau Adele, sydd bellach yn astudio i fod yn athrawes, ar ôl mynd i ddigwyddiad recriwtio athrawon a ariannwyd gan Lywodraeth Cymru yng Nghaerdydd.

Diolch i dros £100,000 o gyllid Llywodraeth Cymru, mae ymchwilwyr ym Mhrifysgol Metropolitan Caerdydd yn datblygu cyfres newydd o brofion i wella'r ffordd o adnabod disgyblion ag anawsterau llythrennedd mewn ysgolion uwchradd cyfrwng Cymraeg.

Heddiw (15 Hydref) mae'r Gweinidog Addysg Bellach ac Uwch, Vikki Howells, wedi amlinellu ei nodau a'i hamcanion yn ei rôl weinidogol newydd, gyda phwyslais ar gydweithio, cydweithredu a chymuned.

Aeth dros 90% o raddedigion Seren eleni ymlaen i gymryd rhan mewn addysg uwch, gyda 53% yn ennill lle mewn Prifysgol Grŵp Russell. 

Heddiw, (dydd Mawrth 8 Hydref) mae Ysgrifennydd y Cabinet dros Addysg  Lynne Neagle yn dathlu gwaith canolfannau trochi wrth i'r galw am ddarpariaeth trochi hwyr barhau i dyfu - gyda Chymru'n cael ei hystyried yn arweinydd byd-eang yn y maes.

Mae adnodd dysgu ar-lein E-sgol, a sefydlwyd yn wreiddiol i gynorthwyo darpariaeth chweched dosbarth yng nghefn gwlad, bellach ar gael ledled Cymru gyda'r bartneriaeth e-sgol ddiweddaraf yn darparu cyrsiau yn ysgolion uwchradd Sir Fynwy.

Mae cynllun a ariennir gan Lywodraeth Cymru i annog dysgwyr i astudio TGAU mewn ieithoedd rhyngwladol wedi gweld cynnydd o dros 40% yn nifer y dysgwyr sy'n cael eu mentora ac sy'n dewis astudio iaith fel Ffrangeg, Almaeneg neu Sbaeneg.