Newyddion

Mae rhai o gwmnïau meddalwedd a datblygu gemau mwyaf blaenllaw Cymru wedi bod yn San Francisco yr wythnos yma yng nghynhadledd flynyddol fwya’r diwydiant gemau, diolch i gymorth Cymru Greadigol a Llywodraeth Cymru.

Y Game Developers Conference (GDC) yw cynhadledd flynyddol fwya’r diwydiant gemau fideo proffesiynol yn y byd a’r pinacl ar gyfer arddangos y gorau yn y diwydiant. Yn 2019, denodd rhagor na 29,000 o aelodau’r diwydiant gemau ac mae’n ddyddiad pwysig ar ddyddiadur unrhyw aelod o’r proffesiwn sydd am ennyn sylw, cefnogaeth a hygrydedd i’w waith.

Yng Nghymru, mae technoleg gemau’n faes sy’n tyfu ac yn sail ar gyfer datblygu cynnyrch newydd. Diolch i rwydweithiau cryf y diwydiant ac ysbryd gydweithredol, gall busnesau gemau Cymru fanteisio ar gronfa o dalent gafodd ei hyfforddi yn ein prifysgolion, o ddylunwyr ac artistiaid 3D i raglenwyr a pheirianwyr sain.

Mae datblygwyr gemau o bob cwr o’r wlad yn cynhyrchu campweithiau rhyngweithiol, gyda’r de-ddwyrain a’r Gogledd-ddwyrain yn arbennig o ffrwythlon. O’r ardaloedd hynny, dechreuodd brandiau fel Wales Interactive a Tiny Rebel Games ar eu taith i sgriniau ledled y byd. Yng Ngorllewin Cymru, mae Goldborough Studios yn cynhyrchu gemau dan cymeriad o safon uchel. Ar hyn o bryd mae'r stiwdio'n gweithio ar Yami ei gêm PC/Console gyntaf.

Amcangyfrifir bod diwydiant gemau’r DU yn werth £7bn yn 2020 – cynnydd o 29.9% ers 2019. Mae Llywodraeth Cymru wedi ymrwymo’n llwyr i helpu cwmnïau o Gymru i dyfu ac i werthu drwy’r byd, yn ogystal ag i gefnogi cyfleoedd mewnfuddsoddi.

Mae stondin wedi bod gan Gymru yn y Gynhadledd ers 2017 gan roi cyfle gwych i hyrwyddo cwmnïau gemau Cymru i gynulleidfa fyd-eang. Yn y GDC yn 2019, cofnodwyd cytundebau gwerth £2.6m gan gwmnïau o Gymru.

Roedd Gweinidog yr Economi, Vaughan Gething, hefyd yn GDC wythnos yma, gyda charfan gref o 18 o gwmnïau gemau mwyaf blaenllaw Cymru, fel rhan o Daith Fasnach o dan arweiniad y Llywodraeth i orllewin yr Unol Daleithiau.

Cyn troi am San Francisco, ymwelodd y Gweinidog ag un o gwmnïau’r daith, sef Wales Interactive, yn eu cartref yn Tec Marina, Penarth.

Dywedodd Gweinidog yr Economi, Vaughan Gething:

“Yng Nghymru, rydyn ni o ddifrif am ein gemau a thechnoleg gemau. Rydyn ni’n cefnogi cymuned lewyrchus o fusnesau arloesol sy’n gwneud y gorau o’r talent lleol i sicrhau llwyddiant rhyngwladol.

“Mae’n rhan bwysig o’n diwydiannau creadigol ac yn cynnig swyddi bras a chynaliadwy. Dyna pam ein bod yn rhoi’r gefnogaeth i ddatblygwyr gemau sydd ei hangen arnynt i droi ffrwyth eu hawen yn realiti ac i gynyddu eu potensial mewn sector sy’n newid yn gyflym. Mae hynny’n cynnwys sicrhau bod y sector yn cael y bobl dalentog a galluog sydd ei angen arno i dyfu a ffynnu.

“Gyda phobl o bob rhan o’r byd yn bresennol, roedd y digwyddiad yn gyfle heb ei ail i fusnesau o Gymru hyrwyddo’u hunain a chyda Cymru Greadigol, i ddangos i fuddsoddwyr yr hyn sydd gan Gymru i’w gynnig.”

Wales Interactive yw’r cyhoeddwr ffilmiau rhyngweithiol mwyaf ond un yn y byd. Dywedodd Richard Pring, Sylfaenydd a Chyfarwyddwr Wales Interactive:

“Byth ers i ni fynd ar y trip cyntaf saith mlynedd yn ôl, mae taith fasnach Llywodraeth Cymru i’r GDC wedi bod yn ddyddiad pwysig ar ein calendr. Yn yr amser hwnnw, mae’r Gynhadledd wedi creu cannoedd o gyfleoedd busnes a rhwydweithio i ni a chyfleoedd hefyd i ddangos gemau a thalentau gorau Cymru ar lwyfan y byd flwyddyn ar ôl blwyddyn!”

• Dau Borthladd Rhydd ar fin cael eu sefydlu yng Nghymru – Y Porthladd Rhydd Celtaidd yn Aberdaugleddau a Phort Talbot, a Phorthladd Rhydd Ynys Môn yn y Gogledd.
• Amcan y ddau borthladd rhydd fydd denu £4.9m o fuddsoddi cyhoeddus a phreifat, gyda’r potensial i greu rhyw 20,000 o swyddi erbyn 2030.
• Bydd y Porthladdoedd Rhydd yn ategu buddsoddiad a pholisïau Llywodraeth Cymru i greu economïau lleol cryfach, tecach a gwyrddach.

Heddiw, cyhoeddodd Llywodraeth Cymru gyllid newydd er mwyn helpu i gynnal a chryfhau cysylltiadau busnes, economaidd ac ymchwil Cymru gyda rhanbarthau Ewropeaidd, a hynny yn dilyn i’r DU adael yr UE.

Wrth annerch cynhadledd flynyddol "Archwilio Allforio Cymru", bydd Gweinidog yr Economi, Vaughan Gething, yn cyhoeddi raglen cymorth allforio lawn Llywodraeth Cymru ar gyfer 2023/24 a buddsoddiad o £4 miliwn i'w darparu.

          Mae’r Gweinidog Cyfiawnder Cymdeithasol, Jane Hutt wedi ymweld â’r Ganolfan Cymorth Cyflogaeth yn Llangefni, sydd wedi ei sefydlu i helpu a chynghori pobl sydd wedi cael eu heffeithio gan y cyhoeddiad am 2 Sisters.

• Bydd cynllun sgiliau sero net newydd yn amlinellu gweledigaeth o'r rôl y bydd sgiliau yn ei chwarae wrth symud Cymru oddi wrth economi tanwydd ffosil y gorffennol i ddyfodol carbon isel newydd, fel rhan o broses bontio teg.
• Bydd swyddi sero net yn dod yn gonglfaen diwydiannau newydd y dyfodol, sydd siŵr o fod ddim yn bodoli eto.
• Gweinidog yr Economi yn lansio cynllun newydd i sicrhau y bydd gan blant a gweithwyr heddiw y sgiliau sydd eu hangen arnynt i weithio yn swyddi newydd economi sero net y dyfodol.

Mae Llywodraeth Cymru a Chyngor Sir Penfro wedi gwerthu tir i gwmni o Sir Benfro er mwyn datblygu cyfleuster prosesu llaeth newydd yn y sir, fel rhan o fuddsoddiad gwerth miliynau o bunnoedd.

• Strategaeth arloesi newydd yn nodi dyhead i Gymru fod yn genedl flaengar ac arloesol.
• Mae’r strategaeth yn canolbwyntio ar sicrhau bod technolegau newydd arloesol yn cael eu datblygu er mwyn helpu i ddatrys yr heriau mwyaf sy'n wynebu cymunedau, gan sicrhau bod yr atebion hynny'n cyrraedd pob rhan o gymdeithas.
• Drwy gydweithio, y nod yw sicrhau gwell gofal iechyd, mynd i'r afael â'r argyfwng hinsawdd a’r argyfwng natur, a chreu gwell swyddi a ffyniant i fusnesau, prifysgolion, a chymunedau lleol.

Mae cynllun mawr benthyciadau newydd i gefnogi busnesau yng Nghymru i dorri eu costau ynni drwy gymryd camau i ddod yn wyrddach ac yn fwy ynni-effeithlon wedi cael ei lansio heddiw gan Llywodraeth Cymru a Fanc Datblygu Cymru.

Mae cynllun band eang dan arweiniad y gymuned mewn pentref gwledig rhwng Caerdydd a Chasnewydd wedi llwyddo i estyn cysylltiadau band eang cyflymach, mwy dibynadwy i ragor o aelodau byth o'r gymuned leol, diolch i gyllid gwerth £525,000 gan Lywodraeth Cymru.

Mae Gweinidog yr Economi Vaughan Gething yn dathlu Diwrnod Rhyngwladol Menywod a Merched mewn Gwyddoniaeth trwy ymweld â labordy fforensig Prifysgol De Cymru (USW) i gwrdd â’r nifer gynyddol o fenywod sy’n gweithio mewn gwyddoniaeth, peirianneg a mathemateg (STEM) ac i annog mwy o fenywod a merched i ystyried gyrfa yn y gwyddorau.

• Gweinidog yr Economi’n cyhoeddi’r adroddiad blynyddol cyntaf ar y Gwarant i Bobl Ifanc, y cynllun blaengar sy’n helpu pobl ifanc i gael gwaith ac sy’n lleihau diweithdra ymhlith pobl ifanc
• Mae’r Gweinidog yn cadarnhau rhagor o help i’r bobl ifanc sydd ar raglenni Twf Swyddi Cymru +, ac sy’n ei chael hi’n anodd yn yr argyfwng costau byw. Yn cynnwys costau teithio a phrydau am ddim.