Newyddion

Bydd cyfleoedd i sicrhau twf a buddsoddiad ar frig yr agenda pan fydd arweinwyr y pedair gwlad yn cwrdd yng nghyfarfod cyntaf Cyngor y Gwledydd a’r Rhanbarthau yn yr Alban heddiw.

Mae'r Gweinidog Iechyd Meddwl a Llesiant, Sarah Murphy, wedi pwysleisio pa mor bwysig yw cefnogi iechyd meddwl yn y gweithle ar ymweliad â chyflogwr sy'n arwain y ffordd yn y maes hwn.

Caiff modurwyr eu cynghori i gynllunio ymlaen llaw cyn iddynt deithio ar yr A40 rhwng Halfway a Llanymddyfri rhwng 12 Hydref a 6 Mai wrth i waith ffordd sylweddol gael ei wneud i sicrhau diogelwch a sefydlogrwydd hirdymor y ffordd.

“Diwrnod Digartrefedd y Byd hwn, rwy’n meddwl ei bod yn bwysig iawn cydnabod y gwaith gwych sy’n cael ei wneud yn ein cymunedau ac yn tynnu sylw at bwysigrwydd cydweithio rhwng awdurdodau lleol, partneriaid adeiladu a landlordiaid cymdeithasol cofrestredig i atal a rhoi terfyn ar ddigartrefedd yng Nghymru.”

Yn ddiweddar, aeth Ysgrifennydd y Cabinet dros Dai a Llywodraeth Leol, Jayne Bryant, ar ymweliad â datblygiad tai cymdeithasol carbon isel yng Nghaerdydd.

Mae Canolfan Gymorth Gymunedol newydd yn agor yng Nghanolfan Siopa Aberafan heddiw i ddarparu cymorth, arweiniad a chyngor ar ailhyfforddi i unigolion a busnesau y mae penderfyniad Tata Steel UK i ddefnyddio dulliau mwy gwyrdd o wneud dur ym Mhort Talbot yn effeithio arnynt.

Mae'r Dirprwy Brif Weinidog sy'n gyfrifol am Newid Hinsawdd, Huw Irranca-Davies, wedi ymweld ag Aberaeron i weld cynnydd cynllun atal llifogydd gwerth £31.5m.

Heddiw, (dydd Mawrth 8 Hydref) mae Ysgrifennydd y Cabinet dros Addysg  Lynne Neagle yn dathlu gwaith canolfannau trochi wrth i'r galw am ddarpariaeth trochi hwyr barhau i dyfu - gyda Chymru'n cael ei hystyried yn arweinydd byd-eang yn y maes.

Mae rownd nesaf cronfa dwristiaeth sy'n gwella profiadau ymwelwyr ledled Cymru wedi cael ei lansio gan Ysgrifennydd y Cabinet dros yr Economi, Ynni a Chynllunio, Rebecca Evans.

Bydd miloedd yn fwy o bobl yn derbyn profion sgrinio'r coluddyn gartref yn awtomatig i helpu i achub mwy o fywydau.

Bydd siaradwyr a chynrychiolwyr o bob rhan o'r byd yn ymgynnull yng Nghaerdydd yr wythnos nesaf wrth i Gymru gynnal Hotspot Economi Gylchol Ewrop am y tro cyntaf.

Oeddech chi’n gwybod eich bod yn cael lesio’ch eiddo i’ch awdurdod lleol a chael gwarant o incwm rhent?

Mae Cynllun Lesio Cymru, cynllun dan ofal Llywodraeth Cymru, yn rhoi cyfle i landlordiaid a pherchenogion tai gwag lesio’u heiddo i’r awdurdod lleol am 5 i 20 mlynedd.

Mae’r cynllun yn gwarantu incwm rhent bob mis ichi a hefyd bydd yr awdurdod lleol yn cynnig gwasanaeth rheoli llawn heb ichi orfod talu comisiwn.

Mae hynny’n golygu na fydd perchenogion yn mynd am gyfnodau heb rent pan fydd yr eiddo’n wag na chwaith yn gorfod delio â rhent ddyledus. Bydd yr incwm rhent, ar lefel y lwfans tai lleol, wedi’i warantu.

Hefyd, efallai y bydd grant o hyd at £25,000 ar gael ar gyfer adnewyddu’r eiddo a hyd at £5,000 ar ddefnyddio ynni’n fwy effeithiol.

Bydd tenantiaid yn elwa hefyd, gyda chymorth wedi’i warantu am oes y les.

Dywedodd Ysgrifennydd y Cabinet dros Dai a Llywodraeth Leol, Jayne Bryant: “Rydyn ni’n gwybod bod tai gwag yn wastraff ar adnoddau yn ein cymunedau ac mae’r cynllun hwn yn ffordd wych o wneud cartrefi’n fwy fforddiadwy a hygyrch.

“Rydw i'n edrych ymlaen at weld sut y gall perchnogion eiddo a landlordiaid gael eu cefnogi drwy’r cynllun i ddarparu cartrefi diogel, hirdymor a fforddiadwy i denantiaid.”

DIWEDD