Newyddion

Mae grwpiau cymunedol ar draws Cymru yn cael eu hatgoffa bod yna dal amser i wneud cais am grant Perthyn, sy'n cefnogi cymunedau i ddatblygu mentrau cymdeithasol neu brosiectau tai a arweinir gan y gymuned.

Mae Ysgrifennydd y Cabinet dros yr Economi, Ynni a Chynllunio, Rebecca Evans, wedi hyrwyddo cryfder ac arloesedd gweithgynhyrchu Cymru ac wedi pwysleisio unwaith eto gefnogaeth ddiwyro Llywodraeth Cymru i'r sector hanfodol hwn ar ymweliad ag un o'r busnesau preifat mwyaf yn rhanbarth Canolbarth Cymru. 

Mae mesurau diogelu cyfreithiol newydd i ddiogelu staff y GIG rhag ymddygiad sy'n peri niwsans neu aflonyddwch mewn ysbytai wedi dod i rym yng Nghymru.

Mae pobl ifanc ledled Cymru wedi cymryd rhagor na 2 miliwn o deithiau bws ers cyflwyno'r cynllun tocyn bws am £1 ym mis Medi y llynedd.

Bydd cynllun grant aml-flwyddyn newydd yn galluogi gwaith cynnal a chadw hanfodol ar dros 400 o hen safleoedd tomenni glo ledled Cymru, diolch i dros £80 miliwn o gyllid.

Heddiw cyhoeddir llwybr amlinellol a lleoliadau cychwyn a gorffen Tour De France 2027, pan fydd Cymru yn cynnal ras feicio fwyaf fawreddog y byd am y tro cyntaf.  

Mae dau brosiect gwynt ar y môr yng Nghymru wedi sicrhau cytundebau yn y caffaeliad diweddaraf gan Lywodraeth y DU, gan nodi cam sylweddol ymlaen ar gyfer uchelgeisiau ynni adnewyddadwy Cymru a dod â miloedd o swyddi newydd.

Mae'r argymhellion wedi eu cytuno gan yr holl bartneriaid ac mae'r camau nesaf yn cynnwys cyfarfod dwyochrog blynyddol rhwng swyddogion trafnidiaeth Iwerddon a Chymru.

Mae'r argymhellion hefyd yn amlinellu sut i gael gwell gwytnwch, gwell cynlluniau wrth gefn a fydd yn diogelu cysylltedd i deithwyr a gwella sut i reoli aflonyddwch.

Cyfarfu y Tasglu ym mis Mawrth y llynedd mewn ymateb i effaith cau Porthladd Caergybi dros dro ym mis Rhagfyr 2024. Gweithiodd aelodau o lywodraethau Iwerddon a Chymru, swyddogion trafnidiaeth a rhanddeiliaid ar y cyd ar adolygiad systematig a thrwyadl o'r hyn a ddysgwyd. Canolbwyntiodd y Tasglu ar ddefnyddio'r profiad hwn i ddiogelu cysylltedd ymhellach ac adeiladu gwytnwch ar draws porthladdoedd a seilwaith porthladdoedd, nawr ac yn y blynyddoedd i ddod. 

Meddai Seán Canney, y Gweinidog Gwladol sy'n gyfrifol am Drafnidiaeth Ryngwladol a Ffyrdd, Logisteg, Rheilffyrdd a Phorthladdoedd:

"Diolch i Ysgrifennydd y Cabinet Ken Skates am arwain y Tasglu dros y naw mis diwethaf, ynghyd â'r holl swyddogion a rhanddeiliaid sydd wedi gweithio arno. Rydym wedi cryfhau hen berthnasoedd a sefydlu rhai newydd, a fydd yn parhau trwy gyfarfodydd blynyddol a chyfathrebu rheolaidd.

Er fod yr amgylchiadau ymhell o fod yn ddelfrydol, rwy'n falch iawn bod ein dwy adran wedi dod yn agosach at ei gilydd ac edrychaf ymlaen at ddyfnhau'r berthynas hon dros y blynyddoedd i ddod."

Dywedodd Ysgrifennydd y Cabinet dros Drafnidiaeth a Gogledd Cymru, Ken Skates: "Mae trafodaethau o fewn Tasglu Môr Iwerddon wedi atgyfnerthu pwysigrwydd Caergybi a'n porthladdoedd eraill sy'n wynebu Môr Iwerddon i gymunedau yng Nghymru ac Iwerddon a thu hwnt, a'n diddordeb a'n cyfrifoldeb cyffredin, nawr ac yn y dyfodol, i sicrhau eu bod yn ffynnu ac yn tyfu.  Byddwn yn parhau i gydweithio'n agos gan adeiladu ar ein perthynas gryfach."

Datganiad Ysgrifenedig: Datganiad gan Lywodraeth Cymru am gyhoeddi argymhellion Tasglu Môr Iwerddon (14 Ionawr 2026) | LLYW.CYMRU

Bydd Castell Sain Ffagan ar gau am dri mis er mwyn dechrau gwaith cadwraeth a gwaith atgyweirio hanfodol i'r to, fel rhan o fuddsoddiad mawr gan Lywodraeth Cymru yn adeiladau hanesyddol Amgueddfa Cymru.

Mae rhaglen gemau newydd wedi'i chynllunio i gyflymu twf cwmnïau gemau yng Nghymru wedi cael ei lansio. Mae wedi cael ei hariannu'n llawn gan Cymru Greadigol ac yn cael ei chyflwyno gan ganolfan dechnoleg Tramshed Tech – cwmni sydd wedi ennill gwobrau am eu gwaith.

Mae dyfeisiau meddyginiaethau digidol, a dreialwyd dros gyfnod o 12 mis ym Mhen-y-bont ar Ogwr, wedi helpu dros 70 o unigolion a gymerodd ran yn y cynllun peilot i reoli eu meddyginiaethau yn annibynnol.